Yulduz Usmonova - San’atsiz bo’lmas

Buni hayot deydi, unda armon ko`p
Tamizni bilmagan ahli nodon ko`p
Suyib turib, kuyib yurgan insonsan
Ko`ksimda fig`onsan kechikkan ko`ngil

Yolg`iz afsus chekib, tanho yig`laysan
Kiprikda marjonsan kechikkan ko`ngil
O`zingga ham axir o`zing sig`maysan,
O`rtangan bir jonsan kechikkan ko`ngil

Buni hayot derlar san`atsiz bo`lmas
Fitnasiz dunyo yo`q faryodsiz bo`lmas
Ko`ksimda fig`onsan sevgisiz bo`lmas
Adashgan mehmonmiz kechikkan ko`ngil

Xo`l-quruq yonadi o`t olsa to`qay,
Har kim ham o`zicha kun ko`rib o`tgay.
Lekin sen baribir dunyoga o`gay,
Adashgan mehmonsan kechikkan ko`ngil

Umidni so`ldirar taqdirning qori
Hijronda titraydi yuraklar zori
Ne iloj suyganing birovning yori
Gul ko`rmay hazonsan kechikkan ko`ngil

Buni hayot derlar san`atsiz bo`lmas
Fitnasiz dunyo yo`q faryodsiz bo`lmas
Ko`ksimda fig`onsan sevgisiz bo`lmas
Adashgan mehmonmiz kechikkan ko`ngil