Nurbullin - Бақыт туралы

Құс сияқты сезінбейтін қанатын
Бақыт — сәби білмейтұғын әлі атын.
Бақыт! Бақыт — ғажайып бір дәм ғана
Сүйгеннен соң ерініңде қалатын!
Бір құдірет бізді өмірге жолдайды.
Біз өмірді түсінбейміз,
Сол — қайғы.

Туа сала таудай бақыт күтеміз,
Ал шынында бақыт үлкен болмайды.
Бақыт үлкен болған емес шынында,
Ал қайғының кішкентайы болмайды!
Лүпілдеген тамырындай шекенің
Жеке сағат,
Жеке тәулік,
Жеке күн.